Álitisfólkaskeið á Heilsuhjálparafelagnum

Dagurin byrjaði við at Anna Andresen, sálarfrøðingur hjá Arbeiðs- og Brunaeftirlitinum, greiddi frá um arbeiðsplássmetingar.

Eftir at sálarliga arbeiðsumhvørvið, er komið í føroyska lóggávu í august, taka vit tað eitt stig víðari, og fara í holt við arbeiðsplássmetingar.

Álitisfólkini sluppu at svara spurningunum á eftirkanningarlistanum, so tey hava møguleika at leggja øðrum lag á seinni, tá fari verður undir hetta arbeiði.

Heilsuhjálparafelagið og Lærarafelagið eru farin í holt við arbeiðsplássmetingar.

Endamálið hjá okkum er at fáa APM í føroyska lóggávu, júst sum í Danmark.

Fyrst í komandi ári, fara vit at gera nøkur pilotprojekt á eldraøkinum og skúlaøkinum. Fyri eldraøkið, verður pilotprojektið í Bú- og Heimatænastuni í Suðuroy.

Jógvan Fríðriksson, bispur, ríkaði okkum dagin, við at hugleiða um etiskt samskifti. Hann er bæði vísur, djúpur og hevur góðan humor.

Forkvinnan greiddi frá kravhandanini í samband við sáttmálasamráðingarnar, sum var í gjár.

Aftaná jóladøgurðan, var fari undir at fáa jólagávurnar til øll økini í Føroyum, har okkara limir arbeiða.

Í morgin gongur leiðin til Suðuroyar, har vit fara at hava temadag í SALT, har evnið er sálarliga arbeiðsumhvørvið.

Takk fyri dagin, góðu álitisfólk