Tíðindi

SEMINGSSTOVNURIN BOÐSENDUR

Samráðingarnar millum Heilsuhjálparafelag Føroya og Kommunala Arbeiðsgevarafelagið eru slitnaðar og partarnir hava sent boð eftir Semingsstovninum.
Heilsuhjálparafelagið tók upp aftur samráðingarnar við Kommunala Arbeiðsgevarafelagið í síðstu viku.
Eftir at feløgini høvdu samráðst í 4 mánaðir var steðgur komin í samráðingarnar, tá Kommunala Arbeiðsgevarafelagið handaði eina røð av krøvum til Heilsuhjálparafelagið.
Heilsuhjálparafelagið gjørdi tí sítt egna uppskot til semju, sum varð latin Kommunala Arbeiðsgevarafelagnum. Síðan var farið aftur til samráðingarborðið. Tíanverri máttu partarnir tó staðfesta, at ov langt var í millum tey, og tí er Semingstovnurin boðsendur.
– Vit kundu staðfesta, at samráðingarnar stóðu í botni. Vit mugu tryggja, at okkara limir hava livilig kor og kunnu ikki góðtaka kravið um at avgeva vunnin rættindi, uttan at fáa nakað veruligt afturfyri, sigur Mary Antonsdóttir.
Heilsuhjálparafelag Føroya
Dáma og deil:
Vís meira

Líknandi

Back to top button